Transcription
1
Monsieur, estant arrivé en ce lieu de mon retour de Levant et ne
2
pouvant pour cestheure vous aller baiser les mains comme
3
je desirerois et que le debvoir m’y oblige, parce que
4
j’ay commandement exprès qui me fust faict lhorsque je
5
feuz deslivré d’aller treuver sa magesté pour me rendre
6
à luy de la part du Grand Seigneur, je n’ay voullu failhir,
7
monsieur, vous escripre ce mot pour vous remercier de
8
tant de faveurs et honneurs qu’il vous a pleu me
9
prouchasser, vous suppliant, monsieur, de croire qu’il n’y
10
aura jamais gentilhomme en France qui vous soit plus
11
serviteur que moy, ny que de meilheur cœur vous face
12
service, lhorsqu’il vous plairra de me commander.
13
Je laissey à l’armée du Turc monsieur le chevallier
14
de Claveisson, le XXVIe de juing ; estant arrivé en
15
Constantinople, le penultiesme dudit, je fus mis en
16
liberté le deuxiesme de julliet ; je solliciteys pour ledit
17
sieur chevallier monsieur l’evesque d’Actz, ambassadeur
18
pour sa magesté, tant qu’il alla parler à Marmet Baschas,
19
luy remonstrant comme Lochielly avoit detenu ledit
20
chevallier, le priant bien fort que, puisque le Grand
21
Seigneur en avoit faict présent à ung si grand roy comme
22
est sa magesté qu’il commandast le faire venir en Constantinople,
23
ce que fust faict incontinant ; et espère, Dieu aidant, qu’il
24[barré : sera ] est à ceste heure en liberté et qu’il sera bientost en ce
25
pays de retour. J’ay entendu que en ce païs on disoit
26
que quelcung de mes compagnons s’estoit renyé.
27
Monsieur, je vous puis asseurer que jamais n’y
28
[v°] a heu chevallier qui ayt pencé à faire si grand faulte, mais
29
les ay tous cogneus si chretiens que premier que de s’oblier
30
jusques là, ilz endureront la mort. Je lairrey ce
31
propos, monsieur, pour vous dire que l’armée turquesque
32
est de deux centz vingt trois gallères et XXVII galliottes.
33
J’en ay conté cent XXXIX qui estoient à l’armée de Lochielly
34
et cinq galliasses, lesquelles galliasses estoient fort
35
bien armées : sur checune avoit trois centz hommes de
36
combat et vingt grosses pièces de bronze. Les gallères
37
estoient mal armées et n’y avoit presque point de
38
mariniers, combien que j’aie veu à Constantinoble de
39
trois à quatre centz carmocellis, desquelz lesdit Ochielly
40
avoit prins les meilhieurs mariniers. Il partist
41
le XXVIe de juing avec son armée pour aller espalmer,
42
assir et se joindre avec Cargely qui avoient le
43
surplus de vaisseaulx jusques audit nombre de deux centz
44
cinquante, entre lesquelles il y en avoit environ huictante
45
qui n’avoient point des canons. Ladite armée turquesque
46
et celle de la Ligue se sont descouvertes le XVIIIe
47
du moys passé de sy près que le seigneur Marc
48
Anthoine Collonne feist mettre en batailhe son armée,
49
de laquelle il feist trois esquadrons. Lochielly fist
50
de mesmes et faisoient si bonne mine d’ung costé
51
et d’aultre que chascung jugeoit qu’on donrroit la
52
batailhe. L’esquadron de main gauche du seigneur
53
Marc Anthoyne allast pour investir celluy que luy
54
estoit par front de l’armée turquesque et s’approcharent
55
si près, que cellon les nouvelles que en a heu son
56
[318] Altesse à qui je fus baiser les mains à Turin,
57
se tirarent canonades les ungs aux aultres,
58
et par la relation qu’a faict despuis ung de
59
Marceille s’estant sauvé de ladite armée, l’on mit
60
à fonds deux ou trois gallères turquesques, le
61
reste dudit esquadron se retira à la batailhe,
62
les nostres ne luy purent donner chasse à cause
63
des nautz que remorquions et aussi que le vent
64
leur estoit contraire, de sorte que les nostres se
65
retirarent à Ogentes où ilz heurent nouvelles que
66
le seigneur Dont Jehan d’Austria estoit à Corefoud
67
avec cinquante gallères, ilz se devoient partir
68
pour se joindre tous ensemble. Je prie Dieu qu’ilz
69
puissent faire quelque chose de bon pour sa magesté
70
et du christianisme, mais pour ceste année, je crois
71
que si à ceste heure ilz nont faict quelque chose,
72
ilz seront contrainctz de se retirer à cause de l’hyver.
73
Et en cest endroict, je ferey fin, après avoir supplié
74
le Createur,
75
Monsieur, vous donner en parfaicte santé très heureuse et
76
très longue vie. D’Ambrun, ce XXVe septembre 1572.
77
Vostre très humble et plus hobligé serviteur
78
Le chevalier de Voguedemar
79
80